Emma Thompson (15 d'abril de 1959, Paddington) ye una actriz, comediante y guionista británica, ganadora de los premios Emmy, Globu d'Oru, BAFTA y Óscar. Empezó na televisión británica en 1987, pero nun foi hasta'l so matrimoniu con Kenneth Branagh cuando empezó a llamar l'atención de la crítica especializada. Al pie de él, Thompson protagonizó Fortunes of War (1987) y Henry V (1989). En 1992 realizó una destacada apaición nel drama Howards End, cinta pola cual recibió los máximos honores del cine a nivel mundial, ente ellos el Óscar a la meyor actriz. En 1993 y gracies a la so solidez interpretativa, llogró la doble nominación a esti premiu nes categoríes d'meyor actriz y meyor actriz de repartu por The Remains of the Day y Nel nome del padre.
En 1995, Thompson escribió y protagonizó una adautación de la obra de Jane Austen Sense and Sensibility, por que'l so desempeño como guionista foi reconocida colos premios Globu d'Oru y un segundu Óscar, ente otros gallardones. Dellos títulos destacaos del so filmografía son: Colores primarios (1998), Love Actually (2003), Nanny McPhee (2005) y Nanny McPhee and the Big Bang (2010); nestes últimes dos tamién ye guionista.
En 2003 participó xunto con Meryl Streep y Al Pacino na esitosa película de televisión Angels in America, pola cual foi nomada a los premios del Sindicatu d'Actores, y en 2004 encarnó a la profesora Sybill Trelawney en Harry Potter and the Prisoner of Azkaban, papel que repitió nes siguientes entregues de la saga.
© MMXXIII Rich X Search. We shall prevail. All rights reserved. Rich X Search